萬千星輝|老人組加埋1067歲 楊卓娜、張美妮竟然有份!

撰文:
最後更新日期:

年屆70歲嘅薛家燕同88歲胡楓盛裝上陣。(陳順禎攝)

因《愛回家之開心速遞》而出道嘅Hip Hop組合「大四喜」集劉丹、羅樂林、陳榮峻、黎彼得於一身,去年首次喺劇集演出即時被網民強烈要求正式出道做樂壇新人,隨後「大四喜」亦獲邀到澳門登台賺外快。昨日喺無綫嘅年度盛事《萬千星輝賀台慶》,呢個加起來有成283歲嘅組合又點會無份!

大家各有各跳,好忙又好熱鬧。(陳順禎攝)

+6
+6
+6

由薛家燕同胡楓率先登場嘅「華麗舞台」環節,只見二人由升降舞台上又唱又跳,背有仲有煙花陪襯,非常熱鬧。隨後楊卓娜(43歲)、張美妮(40歲)、何綺雲(47歲)、謝雪心(67歲)、方伊琪(63歲)、王綺琴(55歲)及楊玉梅(55歲)陸續登上,穿上粉紫色套嘅幾位女士雖然唔算好齊beat,但總算無咩甩漏,一個華麗轉身,到安德尊(59歲)、Joe Junior(73歲)、魯振順(60歲)、王俊棠(64歲)上場,場面猶如歡樂滿東華嘅卡拉之星,之後喺薛家燕嘅介紹下,「大四喜」正式現身,甩住beat咁rap,呼歡聲同掌聲一定比壓軸出場嘅楊千嬅多。

「大四喜」有台風有台型,一啲都唔失禮。(陳順禎攝)

之不過,事後有網民討論,不解為何張美妮、楊卓娜、何綺雲會被排出現喺呢個環節,話晒三位都仲係4字頭,並為她們被列入「老人組」已感到可惜。亦有網民認真去計算,指呢一PART嘅咁多位藝人,加埋共1067歲,真係辛苦晒。

點擊下圖睇千歲組合表現

+21
+21
+21


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。