梁思浩爆男藝人生吞貓眼補身:每次喺電視城都會藐佢,賤格!

撰文:
最後更新日期:

梁思浩日前(19/11)與苑瓊丹和李日朗一同主持電台節目《大家「真」風騷》時,大爆男藝人生吞貓眼的駭人事件。梁思浩指這位男藝人每次到國內拍戲,都會吩咐工作人員到附近購買小貓,隨後用削尖的竹或匙羹直接將一對貓眼挖出來生食,手法非常變態殘忍,在旁的李日朗聽後忍不住破口大罵:「正畜生!」

梁思浩與苑瓊丹和李日朗一同主持電台節目《大家「真」風騷》時,大爆男藝人生吞貓眼的駭人事件。(影片截圖)

梁思浩最初在《K-100》看到這位男藝人的訪問,提到自己會用一種補品令雙眼炯炯有神,不過就以「唔方便講」為由拒絕透露更多。在好奇心的驅使下,梁思浩詢問了無綫(TVB)的一個劇務,從而得知驚人事件:「嗰次《K-100》訪問佢,有人讚佢拍戲好醒神,佢話『係呀,要長期保住自己眼神,所以有啲嘢補下。』記者問佢點補,佢話『呢啲唔方便講,每次返國內拍戲成日叫劇組咁樣咁樣。』之後我問TVB劇務,我話上次睇《K-100》訪問,佢成日畀錢買嘢補身。聽完個劇務講之後,我每次喺電視城見到都會藐佢,賤格!我唔相信呢個世界有人做呢樣嘢。」

梁思浩最初在《K-100》看到這位男藝人的訪問,提到自己會用一種補品令雙眼炯炯有神,不過就以「唔方便講」為由拒絕透露更多。(影片截圖)

苑瓊丹亦一早聽聞事件,指這位男藝人會利用削尖的竹作為工具。梁思浩續指:「佢每次叫劇務喺附近買貓仔、中貓,唔要大嘅(貓)。佢有時搵竹、有時搵咖啡匙羹,買咗隻貓返嚟,捏住個頭挖隻貓眼出嚟即食。我問過劇務,佢真係睇住佢咁做,成對(眼)食。」在旁的李日朗聽後抱頭皺眉,忍不住破口大罵:「正畜生!」

苑瓊丹隨後補充很多人誤信以形補形,這位男藝人擁有忠厚外表,卻做出如此嘔心殘酷的行為:「我哋同佢開工,大家話唔好瞓覺,一瞓醒就盲咗,好驚呀!好多人誤信以形補形,佢有忠厚外表,但有奇怪行為。佢唔係匙羹挖貓眼,係竹筒㨃貓眼然後吞落去,佢自己話畀我聽。」梁思浩回覆傳媒時拒絕透露生吞貓眼藝人的身份,只希望大家不要再虐待動物。而且事件發生多年,這位藝人仍在生不過已非常年老。

同場加映

曾偉權逝世︱愛狗如命做義工為流浪貓狗執屍:每次見到都好難受

+13
+13
+13


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。