「K Kwong契女」樂翊榆轉行做老闆 做BNO英國移民顧問勁多客仔

撰文:
最後更新日期:

樂翊榆早前代表香港區參選了第四十八屆《 Miss Intercontinental 2019》比賽,更因為獲得「香港化學教父」Dr. K Kwong在專頁上「加持」而廣受網民認識,更被網民激讚:「索過晒乜乜港姐」、「佢似劉心悠、邱淑貞」、「真係好靚, 教學嘅時候都會特別細心」,這位「K Kwong契女」因而半隻腳踏入了娛樂圈。

樂翊榆被網民稱為「K Kwong契女」。(IG@lok_yickyu_official)

樂翊榆參加過第四十八屆《 Miss Intercontinental 2019》比賽。(IG@lok_yickyu_official)

不過樂翊榆回港並沒有加入娛樂圈發展,反而是轉行做移民生意。她接受《香港01》訪問時坦言:「參選只是想擴闊圈子,對於一位靚女嚟講,國際選美比賽係最快同直接的方法,仲可以訓練自己應變能力和情商之外,對自己嘅名氣都有幫助,真係多咗好多世界各地嘅Fans。當然,契爺K. Kwong都幫咗我好多。」

樂翊榆經常出入舞會。(IG@lok_yickyu_official)

為什麼會做移民生意?她解釋說是朋友建議:「想開八方移民(公司),係因為呢兩年香港社會嘅各種事令我產生移民念頭。咁啱英國上年推出的Innovator Visa去移民,最近加拿大又有新移民措施,而且英國投資金額相對小,大概50,000英鎊,再加上我自細喺英國長大,所以當朋友知我Innovator Visa批咗之後就走嚟問我意見,就咁我就變咗朋友圈入面佢哋嘅移民顧問。」她表示因為看到其中的商機,所以就決定自己研究相關條例,再為身邊朋友或者客戶提供移民、住屋、揀地區、升學等的一條龍服務。她笑說:「我唯一比出面好嘅係,唔止不成功不收費,而且係成功後才收費,唔使畀晒全數先!」

樂翊榆轉行開辦移民公司。(IG@lok_yickyu_official)

樂翊榆與K Kwong慶祝生日。

她續說,自己遊歷多,除了英國外亦幫過朋友移民歐洲:「我本身大學係倫敦讀法律,仲喺第一太平戴維斯(Savills)全球地產諮詢服務機構做過四年幾,地產範疇,包括住宅及工商物業買賣都算我係其中一個優勢,而家市面上大部份移民公司都係代理,可能會跟得冇咁足,我就一對一,完全唔一樣㗎。」她透露,現在的移民條例經常會改變,就好似現時加拿大針對香港人的移民優惠,也可能不會維持太久,着有興趣的朋友盡早計劃好。

最近樂翊榆為BNO移民英國事宜制作了一片影片,在Youtube上也有不少人觀看。(Youtube截圖 /八方移民及財富管理)

最近樂翊榆為BNO移民英國事宜制作了一片影片,在Youtube上也有不少人觀看。(Youtube截圖 /八方移民及財富管理)

會不會考慮在娛樂圈發展?她回答:「其實而家都Part-time做廣告Model,算係搵下兼職,其實兩樣工作我都好鍾意,有任何機會都會全力以赴嘅。」

+17
+17
+17


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。