愛美麗狂想曲│陳豪自爆曾有助手示愛 曹永廉公幹與女助手同房

撰文:冼燕珊
出版:更新:

由陳豪、李佳芯(Ali)、陳瀅、蕭正楠主演的TVB新劇《愛美麗狂想曲》日前播出,劇中一眾演員早前接受伍詠薇(伍姑娘)和林盛斌(Bob)主持的《Tiger's Talk》訪問,大家分享請助手的難忘經歷,陳豪更自爆曾被女助手表白!

陳豪當年是大眾女生的夢中情人,助手與他日對夜對,都好難唔心動!

陳豪表示很多年前,那個女助手為他工作了約兩年,「我完全唔察覺,佢係一個好能幹嘅女仔,成日都會想唔同辦法去幫我,佢話我知佢鍾意咗我,不過我當時有女朋友,都唔係好記得自己點答佢,但我都有自省係咪做咗啲咩令佢誤會,我只能夠講我係正人君子,我冇炒佢,後來佢自己辭職。」其實又好難怪個女助手,陳豪當年同陳茵媺結婚之前是TVB頭號筍盤,試問個女助手同佢日對夜對,又點會唔對他心動?

李佳芯雖然被助手撞花座駕,不過沒有怪責對方。

而Ali聘請助手最難忘的事,是發生在訪問之前的一刻,「助手就係啱啱撞咗我架車,可能佢比我仲心急,怕我遲到,倒車時唔小心。算啦身外物啫,都撞咗啦,轉個頭佢買返杯咖啡畀我就算,唔會叫佢賠。」

曹永廉自爆到內地工作與女助手同房!

曹永廉則自爆曾與內地女助手同房,他說:「我住套房,佢瞓廳主要因為有咩佢可以幫我攔住,平時太多女演員衝入我房。」

而提到內地工作,曹永廉憶述一次「𤓓」爆經歷,他說認識個一個內地PR,經常向他表示會介紹工作給他,但認識多年,一單工作都沒有找過他,平時只是約他食飯影相,「有次佢又搵我,我就忍唔住用電話錄音不斷用粗口同阿蕭呻,『搞錯呀,成日話搵我做騷,次次都冇嘢畀我做。』期間係不斷加粗口,咁我隔一陣見唔對路,點解阿蕭咁耐都唔覆,點知原來我錯手Send咗畀佢。」

+67

「01最賞睇娛樂大獎」名單出爐啦,6大娛樂獎包括最有話題新聞、最Sweet新聞、最強金句、年度風雲人物、年度男神及女神,快啲參加有獎投票兼答簡單問題贏最新5G手機12 Pro!

【同場加映】──陳凱琳拍檔雪姨購千萬豪宅贈母 再豪送十萬iPhone給員工過聖誕

雪姨豪花十萬送iPhone給員工做聖誕禮物!(影片截圖)
+36