譚嘉儀揹兩萬蚊LV新袋行山 女星行山造型邊個最潮?
撰文：洪曉璇
出版：更新：
最近天氣清涼唔太熱，好多女星紛紛去行山，呼吸新鮮空氣兼做運動KEEP FIT，網友除咗對唔同行山路線有興趣，女星們衣著都成為另類焦點。譚嘉儀呢日同媽媽去獅子山行山，衣著密實但行頭都唔少嘢﹗
譚嘉儀同媽媽去咗行獅子山。（IG：@kayeepo）
譚嘉儀用咗3個鐘來回獅子山自然教育徑，著住黑色長袖衫，露出小蠻腰，揹住名牌小手袋令身材更立體，黑色衫更突顯白色名牌袋，呢款係LV 2021年春季系列GAME ON VANITY PM，要價2萬3千1百元，揹去行山令成個LOOK都變得好貴氣呀﹗佢接受《香港01》訪問時話：「我好鍾意行山，甚至試過自己一個行但係都係覺得有啲危險，咁啱嗰日媽咪又得閒就決定咗行獅子山。」
講到自己嘅行山造型，譚嘉儀就話：「包到實哂唔怕曬黑，夏天會着返啲淺色衫嘅。我出街鍾意咩細袋，行山都唔想拎太多野，所以都係手拎一支水，袋入邊都係裝住電話鎖匙銀包同埋紙巾，盡量輕便。（怕唔怕刮花名牌袋呀？）唔怕，都唔會點撞到嘢。」
點擊睇其他女星行山造型：
+43