尼古拉斯基治第5度結婚　與細30年日籍女友賭城行禮戴黑色婚戒

現年57歲嘅金像影帝尼古拉斯基治（Nicolas Cage），呢日再次傳出喜訊，去年8月曾透露與小30歲嘅日籍女友Riko Shibata訂婚，3月6日向外證實尼古拉斯基治第5度結婚，上月中喺美國拉斯維加斯行禮。

尼古拉斯基治第5任老婆細30歲　自小家貧缺父愛影帝溫暖其下半生

尼古拉斯的發言人證實婚訊，指佢哋今年2月16日，於美國拉斯維加斯一間酒店舉行小型婚禮，尼古拉斯前妻Alice Kim及二人嘅囝囝Kal-El亦有出席。一對新人一年多前喺日本認識，去年8月尼古拉斯表示已訂婚，Riko當時回到京都已半年無見面，佢喺FaceTime向女友求婚。結婚證書上女方名字從夫姓改為Riko Cage，而婚禮日子係尼古拉斯已故父親生忌，由於新娘子喜歡黑色，二人嘅婚戒亦係全黑色相當特別。