劉俊謙曬肌拍廣告獻「第一次」：冇乜緊張反而有啲啲興奮

新晉人氣男演員劉俊謙去年參演人氣電視劇集《二月廿九》及電影《幻愛》之餘，近日更擔任食品系列品牌代言人，並為品牌拍攝廣告。廣告拍攝由《二月廿九》的導演羅嘉駿，及獲金馬獎最佳視覺效果提名的演陳迪凱共同操刀，陣容鼎盛！劉俊謙在廣告中更與貓咪有對手戲，他特別興奮，不用埋位時，經常輕摸貓咪。他更自爆是愛貓之人，早前更在海傍拯救了一隻貓，把牠帶回家收養；是名副其實的暖男。

劉俊謙為了做到廣告拍攝的懸浮效果，更需要做引體上升，大晒肌肉，幸好平日訓練有素，輕鬆地完成引體上升部份，令拍攝進度非常暢順。為了拍攝廣告，劉俊謙又獻上第一次「吊威也」，他說：「前一晚未有緊張嘅心情，反而有啲啲興奮。直到臨開拍前就有啲緊張。上到去就好開心，我覺得自己好似真係飛緊咁樣，好自由自在！」劉俊謙吊了近乎兩小時的威也，升到2層樓高，不但沒有喊辛苦，每次上到空中都鬼馬地角色扮演自娛一番，扮演超人、火影忍者、雀仔等等，哄得工作人員大笑。