由「無悔三兄弟」——MIRROR的楊樂文（Lokman）、王智德（Alton）及ERROR何啟華（Dee）開設的泰式餐廳「泰鳩」，被發現自從去年5月起，經紀已開始在網上登放租廣告找人頂手，舖位據報為2,500呎（另加1,400呎平台），經紀在數個月間先後在facebook登過十多次廣告，租金由最初的$128,000減至$118,000，惟飲食業環境太差，舖位無人問津。

何啟華（Dee）去年8月曾於活動上透露會繼續頂住，表示：「我哋係會繼續做嘅，係租約續租定係搬地方嘅問題，呢個係我哋confirm緊嘅嘢，同埋嗰樣嘢（放盤）幾個月前已經出現咗。（最新進展係點？）大家過嚟book枱食飯！」但當問到餐廳是否有經營困難，他不禁坦言：「經營梗係有困難！」

苦撐大半年後，「泰鳩」近日宣布將於明日（5月5日）正式結業，早在上月底，餐廳社交平台發文道別：「這2年笑聲與相聚，呢兩年大家發生嘅一點一滴，都好似尋日咁。遺憾的是，我地泰鳩油麻地餐廳將於 **▮ 2025年4月30日 ▮** 正式畫下句點。」不過與業主積極溝通後，餐廳決定將延至5月5日結束，讓客人把握時間作最後相聚。不過餐廳就預告有機會「捲土重來」，表示：「暫別唔係終點，我地正悄悄醞釀新可能，或許換過方式再重遇⋯（繼續follow住我地，靜待驚喜消息 ✨）」不少粉絲和客人都留言表達不捨之情。