麥明詩兒子正面樣被林作媽媽公開 網民鬧爆：當正自己粒孫
撰文：洪曉璇
出版：更新：
麥明詩今年3月與老公盛勁為正式成為父母，一直保護BB未有公開性別及樣貌。坐月後開始陸續帶BB和親友見面，麥明詩攜BB與前度林作媽媽王莉妮見面，竟被對方公開BB的正面樣。
麥明詩當年同林作拍拖時，王莉妮已經視女方為新抱，分手後曾多次出手想幫忙復合。2人關係良好，去年亦受邀出席麥明詩同盛勁為的婚禮，兼公開表示「做唔到新抱都要做契女」，大讚契女婿外形勝過自己親生兒子林作。
麥明詩攜BB與前度林作媽媽王莉妮見面，王莉妮向BB送上大利是作見面禮，留言表示：「雖然阿詩與林作無緣，但我一直當她是自己個女，依家佢有咗個仔，就好似我多咗個孫一樣，真心為佢開心。」但麥明詩一直保護BB未有公開性別及樣貌，王莉妮竟上載合照，公開BB正面樣兒及性別，網民鬧爆極不尊重。王莉妮發文一小時後突刪除相片，未知是否收到通知要求下架。