MIRROR演唱會|盧瀚霆跳舞勁陳卓賢有才華 粉絲最想「紅館見」

撰文:
最後更新日期:

盧瀚霆(Anson Lo)的「教徒」們準備了大型簽名牌給在場粉絲簽名為偶像打氣。(梁碧玲攝)

人氣男團MIRROR一連六場的演唱會今日(11/5)來到尾聲,記者下午5時到達九展現場已人頭湧湧。12個Fans Club各自為偶像準備精美應援物並免費派發給在場「鏡粉」,相當有心,今次特意找到6位成員的粉絲說出對偶像的感覺。

盧瀚霆(Anson Lo)的「教徒」們準備了大型簽名牌給在場粉絲簽名為偶像打氣,吸引過百名人士排隊。他們亦特意準備3000張尾場手幅、應援包等等。「教徒」Annie說最欣賞Anson Lo跳舞的勁度:「跳舞好吸睛,當初佢《造星》30強止步,好想用自己力量支持佢,希望佢可以成功,而家好開心有少少成就。」

江𤒹生(AK)的「生粉」用上AK演唱會爆肌照製作易拉架。(梁碧玲攝)

陳卓賢(Ian)的「Hellosss」中就有一位6歲的黃妹妹,她還可以完整唱出《正式開始》的Chrous部分。黃太指囡囡每天都會聽Ian的歌曲:「《叱咤》之後落坑,覺得佢(Ian)好叻,又識彈琴,作曲、填詞、彈結他,打排球。囡囡一放學就搭車過嚟。」

江𤒹生(AK)的「生粉」就用上AK演唱會爆肌照製作易拉架,Wing和Angela說最欣賞AK有義氣:「第一日照嘅相,第一日即刻搵印刷,第二日就拎過嚟。覺得佢好孝順、好義氣仔女,有陣香港本土味,紅館見。」

粉絲蔡小姐表示一定會支持偶像。(梁碧玲攝)

呂爵安(Edan)的粉絲蔡小姐說最欣賞Edan的努力:「一直都好努力,就算佢未必係12個最有才華嘅人,但佢一直嘅努力大家都見到,同埋佢好謙虛,就算個Job幾細佢都肯做,好欣賞佢,『爵屎』會一直喺佢背後支持佢,同埋紅館見。」而邱傲然 (Tiger )的「小虎隊」成員湯小姐和Ruby則最欣賞Tiger的反差感:「舞台上嘅佢同舞台下嘅佢反差感好大,舞台下嘅佢好謙虛。識得佢耐就覺得超級謙虛,好有禮貌、好有氣質。」

同場加映:Mirror演唱會尾場門票炒價逾10萬 孝順女出價$8000為癌母求票

+58
+58
+58


請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。