好聲好戲︱劉佩玥黃庭鋒超水準 王祖藍狠批黃祥興未上台先放棄

撰文:林迅景
出版:更新:

無綫(TVB)節目《好聲好戲》今晚(28/5)最後一集,終極三強「爆Show女王」馮盈盈、「配音路人甲」張振朗、「凍齡女神」陳自瑤進行「三強混戰」爭奪好聲好戲傑出聲演總冠軍。

姚子羚表現還可以。(《好聲好戲》截圖)

「三強混戰」混戰之前,就有四位旁聽生嘗試為經典場面配音,姚子羚為《金枝慾孽》的如妃(鄧萃雯飾)配音,丁羽評價時說:「對一個啱啱配音嘅演員,算係咁。」最後得到3綠4紅,第二位就有黃祥興為《楚漢驕雄》的劉邦(鄭少秋飾)配音,不過表現就強差人意,得到7盞紅燈,王祖藍亦狠批:「你成功過幾次?」黃祥興回答:「排咗4次,成功3次。」王祖藍:「我覺得你放棄咗,但係唔係喺台上放棄,而係喺屋企排咗4次之後放棄咗。」

王祖藍狂踩黃祥興冇努力過。(《好聲好戲》截圖)

最後有劉佩玥和黃庭鋒合作聲演懷舊劇《童心》的「蝦叔」和「波仔」(李泳豪飾),一致獲得好評,也得到7盞綠燈。王祖藍問:「你哋練咗幾耐?」劉佩玥回答:「練到我阿媽都叫我唔好嘈,做乜成日扮細路仔。」黃庭鋒則說:「各自練咗先,之後再出嚟一齊夾,令連接位再流暢啲。」王祖藍就盛讚:「呢啲叫咩,一日唔練自己知,兩日唔練老師知,三日唔練觀眾知,個表演近乎完美。」配音員何璐怡也說:「我好意外,整體表現好突出。」

劉佩玥和黃庭鋒合作聲演《童心》,黃庭鋒表現獲得激讚。(《好聲好戲》截圖)
好傳神。(《好聲好戲》截圖)
劉佩玥把聲真係超似。(《好聲好戲》截圖)

好聲好戲|陳自瑤聲演《雷雨》三票奪冠 馮盈盈臨場失手衰呢樣

點擊睇精華片段:

+25
發表評論...