「婚姻破裂關注組」版主自白 一聽老婆講姜濤即反眼:佢密集攻擊

撰文:鄺鈺瑩
出版:更新:
「我老婆嫁左比Mirror導致婚姻破裂關注組」成立3日,已經有19.3萬人入谷。

網民RC喺fb成立了「我老婆嫁左比Mirror導致婚姻破裂關注組」,短短三日已經有19.6萬人加入,比起MIRROR嘅官方FB page多出近兩倍,睇嚟真係有唔少「前夫」、「苦主」想圍爐取暖。今早播出嘅《早霸王》,森美、小儀成功搵嚟網民RC講述開谷原因,他表示老婆的情況並不算太嚴重,但可列為密集式攻擊。「經過電器鋪會大叫『啊阿邊個個紙牌』(嗰個應該係Edan)Sorry我仲未分到,其實我真係無好仔細咁睇到,因為通常佢喺街咁雀躍,我都主要係反緊白眼,所以focus唔到佢講邊個。」

谷主RC接受《早霸王》訪問,話自己地位比家中愛犬更低。(FB圖片)

RC指開谷係因為之前同老婆去餐廳途中,對方已經一直分享自己在姜濤fan club所遇到的事情。「一路講到要點餸時,佢都仲講緊,我開始反白眼反到唔舒服,之後講到佢同幾個好姊妹分好晒,一個鍾意Jer一個鍾意姜濤,唔會爭仔。因為啲姊妹男朋友、老公同我都識,大家都好似有一個相同處境,所以打算開group圍燼,一開始我邀請 20個朋友左右,我老婆仲話『邊有人理你,你都傻傻哋』。」RC第一個post是分享老婆提出換洗衣機,結果出po唔夠半小時,遭老婆怪責「爆大鑊」,他亦因此改為「屋企洗衣機壞咗」,十分好笑。

姜濤同Jer昨日出席活動時,對「前夫」們感到抱歉,又笑言「影響到夫妻關係真係唔好意思」(資料圖片)

RC又謂曾經有谷友出po指自己在家中地位排17,情況看似很慘,但原來已經比他好。「我係20幾,因為我仲有隻狗,本身佢係最上嗰個位,而家同我一齊排尾三。」他又指開谷後,會爭取生存,但未必會聽從谷友意見每日上水報平安。節目中,森美問到如果花姐知道其苦況,RC即時表示「俾張飛我得架啦」,但聽到「如果搵你玩一集ERROR」時,瞬即變得猶豫,最後仲話會揀ERROR搏一搏,並講「我支持一哥何啟華」

比起MIRROR演唱會飛,RC更想與ERROR合作,比老婆知道的話,應該會家變。(IG圖片)

同場加映:Anson Lo專屬排舞室變期間限定展覽館 5大打卡位神徒不能錯過

+9
發表評論...