菊梓喬遭變態佬持續騷擾恐嚇 FB發文表示唔怕最後嚇到刪帖
撰文:林迅景
出版:更新:
菊梓喬(HANA)在《刑偵日記》中飾演「海藍」一角,受到不少粉絲支持。今日(8月7日)她在Facebook專頁上貼出「傻。變態。恐嚇。我係唔會怕你的」,疑似是遭到變態騷擾,帖文也引來不少粉絲留言關心。
菊梓喬(HANA)接受《香港01》訪問時,表示最近經常受到不知名人士留言騷擾。她說:「嗰個人喺最新個IG post,都係啲變態人,係咁寫啲變態野。鬧(我)都冇乜所謂,但係唔好講啲咁變態嘅嘢,始終都多小朋友睇。」
她續說,因為這些留言,已經封鎖了這個人,但發現還是有不同的帳號在IG留下變態留言。「我block佢係因為太恐怖,但係佢之後都會再開(其他)戶口(留言)。」問及到底是什麼變態留言,她回答:「類似係,佢話我嗰張相唔笑冇牙,跟住佢就喺度自問自答,話因為佢侵犯我同埋剝咗啲牙...如果再見到我啲牙會繼續剝⋯」菊梓喬說在封鎖了這個人帳號後,就不斷被他騷擾,她說:「佢話我接受唔到呢啲comment就唔好學人做藝人,但係我覺得呢啲唔係comment囉。」
菊梓喬表示,自己並不是因為害怕才刪除留言,而是為自己的粉絲著想:「我真係唔想鍾意我嘅人睇到呢啲嘢,其實入面都有恐嚇(成份)。以前不嬲都有啲好恐怖嘅,但係嗰啲大部份都係粗口同埋亂咁鬧。」她更表示,如果再見到有類似的留言,就會cap低留紀錄。
點擊睇菊梓喬靚相:
+25