無綫今日為《兒歌金曲SUMMERFEST》錄影，久未露面的歐倩怡亦有份演唱飲歌《問題天天都多》。 兒歌金曲已停辦12年，歐倩怡曾經成為最受歡迎兒歌女歌手，她說：「已經唔記得係幾時，多謝《問題天天都多》令大家認識我，網上投票都仲投畀我，估唔到大家都仲係好鍾意。」

日前老公郭晉安被指將會離開TVB，歐倩怡未曾聽聞，又說老公有工開：「屋企入面又冇講過，同往年產量都差唔多，早排先拍完《白色強人2》，又返內地取景，啱啱先返香港。往時都會休息下，湊下小朋友。」

歐倩怡現時正修讀master in sport and exercise mathematics，下年將會畢業，她希望可以做註冊運動營養師：「需要睇運動員飲食，最近奧運大家都好熱情，透過營養學幫到運動員，我哋係第一屆，同學都好熱血希望可以回饋返。」不過她都歡迎TVB邀請拍飲食節目，將心得分享給觀眾。

同場加映：40歲陳茵媺公開臨瞓前素顏靚樣　零濾鏡曬無瑕少女肌獲網民激讚