演鬥聽|王梓軒感謝王菀之、伍仲衡力撐 最後一集獲頒獎鼓勵

撰文:黃梓恒
出版:更新:

音樂節目《演鬥聽》最終章將於11月13日播出《演鬥聽王者之戰》,節目音樂總監兼主持嘅王梓軒,親自邀請王菀之及伍仲衡來個破天荒演出,兩人10年前合作,今年再續音樂緣。

王菀之5年冇上過音樂節目獻唱。

5年沒上電視音樂節目獻唱嘅Ivana,首次上《演鬥聽》相當開心,話:「個節目好特別,好多種音樂類型,玩得好利害都係好年青嘅音樂人,大家都好用心,透過節目可以聽多啲唔同類型嘅歌,認識香港唔同嘅音樂人,(Ivana會否手痕呢?)我自細鍾意夾band,同Harry夾過,成日jam歌,唔會寫定譜,玩即興,(點解今日獻唱《皇后的心債》?)我哋張新專輯會翻唱《心債》,呢首係我好鍾意嘅歌,靜靜地,個mood好似電影故事嘅歌《皇后餐廳》,所以將兩首歌擺埋一齊,同Harry一齊揀同諗點樣去做。」

今次王菀之同伍仲衡會送上一曲《皇后的心債》畀大家。

Ivana好開心今次同番好多獨立又有才華嘅音樂人重遇, 早在十年前同RX合作過,她說:「當時佢做一個無伴奏嘅演出,全人聲a cappella,佢負責beat box,我就負責唱歌。」

Harry也表示首次上這種創作型音樂節目:「呢個節目好多即興,俾市民知道咩叫jam歌,每人8個bar,鼓、bass、結他,跟住keyboard輪流交替,音樂人成日用呢啲語言去交流( music battle感覺如何?)好爽!但太短,得8個bar,平時起碼玩3個鐘,電視冇可能播咁長,得嗰十秒,但都好好玩,我成日同啲樂手都係咁樣玩。」Ivana同Harry合作無間,最近兩人更因新專輯及音樂會對足兩個多月,問到之後會否有更多合作,Harry搞笑咁話:「我哋都對咗兩個月,即刻諗唔到,要隔一隔先……」

《皇后的心債》係將王菀之嘅《皇后餐廳》同梅艷芳嘅《心債》mix埋一首歌。

十集《演鬥聽》終於圓滿結束,導演組更為勞苦功高嘅梓軒及團隊訂製獎狀,以示鼓勵,梓軒話:「我入行12年,真係未試過拍完一個節目會有獎攞,好多謝導演組設計以及頒獎俾我哋每一位,佢哋好nice、好窩心……好開心全個團隊可以一齊攞獎!其實拍攝依個節目需要一個好有耐性嘅製作團隊,佢哋唔介意工作時長,仲好有心每集同我地傾,點樣剪接同策劃做得更好。(有冇唔捨得?)又冇我想像中咁唔捨得,因為我知道仲有好多嘢可以一齊玩,其實Logout(范文浩)已經做咗第一步,拉晒演鬥band啲人去做自己project。」

《演鬥聽王者之戰》拍攝完畢後,梓軒與一眾演鬥band成員開香檳慶祝。

雖然唔少project喺手,但Logout笑指想轉到綜藝組,Logout話:「好開心嘅,本身喺呢度全部都唔識嘅,應該有排夾,但我哋都夾得好快,呢十集好似我哋以前夾咗好耐咁,其實好多都係第一次見面,例如:Joey,我前輩嚟,我喺大學o camp已經認識,成件事係好開心,亦都好感動,終於完咗十集。」

梓軒續指,演鬥band係一個好紥實嘅團隊,希望有機會再同大家見面,無論在電視上或其他地方都可以一齊玩。

👇👇👇點擊下圖最後一集花絮👇👇👇

+3

同場加映:星空下的仁醫|演員中期評核報告 有配角表現勁過鄭嘉穎鍾嘉欣

+11