黎諾懿陪入產房但堅拒剪臍帶 太太李潔瑩：佢怕血淋淋！
撰文：吳子生
出版：更新：
黎諾懿太太李潔瑩今日帶同兒子小春雞出席活動。（陳順禎攝）
黎諾懿太太李潔瑩今日（6/12）帶同兒子「小春雞」黎峰睿現身將軍澳出席《韓冬樂雪遊》親子打卡日活動。提到下兩個星期便臨盆，心情難免緊張。李潔瑩笑言：「其實心情就冇乜嘢，但一諗起要坐月嘅段日子，唔可以周圍走，就有啲無奈，就好似要硬接受呢個命運咁。（有指老公無暇陪產！）佢陪到，我諗佢嘅意思係唔想望到血淋淋嘅嘢，但都會陪住喺我身邊嘅，如果佢唔陪我，我實唔得㗎。因為佢都有嘢要做，醫生會叫佢幫BB數手指同數腳趾嗰啲。（佢剪唔剪臍帶？）佢唔球敢剪，因為怕血淋淋，所以佢選擇唔剪綵，哈哈！」
李潔瑩透露臨近分娩還有兩個星期。（陳順禎攝）