夏雨賣房千呎獨立屋曝光　主人房連巨型露台但無人問津

75歲嘅夏雨向來熱衷投資物業，有指他眼光獨到，炒樓戰績彪炳，身家過億，屬於圈中「隱形富豪」。近日有地產經紀在小紅書以「TVB明星 越秀兩層私房」介紹廣州越秀區嘅一間千呎獨棟屋。

該獨棟屋兩層連540尺天台，天台花園設有連電動天窗，第二層嘅主人套房連接另一大露台。由影片所見，露台放有雙人吊椅以及荼几，足見主人十分懂得享受生活。至於一樓除有客廳、飯廳、半開放式廚房之外，亦有一個長者房，房內設有天井，採光度極高。全屋約2千多呎，售價為528萬人民幣。雖然經紀未有公開「TVB明星」身份，不過有網民估計應該係夏雨，並指自己嘅爸爸係該區嘅房管，仲同過對方影合照。最好笑係有人留言表示「夏雨嘅，見過好多號推，仲未賣出？」經紀回覆「未呢，還在出」。