Anson Lo （盧瀚霆）今年人氣爆燈，聖誕檔期理應用嚟休息或者搵真銀，不過佢就選擇咗同5百多名「神徒」一齊過，果然係寵粉！

Anson Lo今午（24日）現身九展，參與後援會籌備嘅簽名會，身穿紅色外套嘅「教主」一出場即問大家食咗飯未，又問大家點過聖誕，結果獲得「同你過」的答案。Anson Lo之後問大家睇咗幾多次《假冒女團》，並謂：「我應該都睇咗12、3次，由first cut開始睇，今次好好彩，因為Charlie監製，比我參與好多。好多謝你哋，因為真係知道真係睇好多次，嚟緊仲有一個星期就落畫，希望雷紫荊（戲中角色名）可以陪住你哋。」Anson Lo又透露明年上半年都將會演戲，昨晚亦開始了圍讀。「應該係我圍讀最長時間一次，由晚上8點到早上5點，因為大家傾好耐，大執咗個內容，今次係好特別經歷。」

簽名會尾聲，Anson Lo送大家清唱聖誕歌，而後援會為他準備了MAMA獎座造形的蛋糕祝賀。