張振朗被指拍住王祖藍亮相內地節目 疑為北上發展鋪路：一切隨緣
撰文：吳子生
出版：更新：
張振朗今日（27/6）現身將軍澳出席無綫新劇《童時愛上你》宣傳活動。對於有指他早前拍住王祖藍頻頻亮上內地節目，是為等到約滿無綫後，轉戰北上發展鋪路。張振朗表示：「其實係好多謝祖藍帶我哋上去見識當地嘅製作，係令到我哋大開眼界，而且學到好多嘢。至於坊間傳話我同無綫合約完咗之後簽祖藍，其實我真係冇諗過呢樣嘢，加上我同無綫嘅合約可以話唔短，咁所以我係未諗過呢一刻嘅呢樣嘢，一切都隨緣啦！（完咗約會否考慮？）哈哈！都唔知仲有幾耐之後嘅事。」
張振朗感恩無綫栽培成才。（陳順禎攝）