童時愛上你｜黃建東被同校女生暗戀日記寫愛宣言：同我生好多BB
撰文：吳子生
出版：更新：
黃建東（東東）今日（27/6）現身將軍澳出席無綫愛情故事劇集《童時愛上你》宣傳造勢活動。講到愛情故事，東東就透露讀中學時期，曾與一名同校女生感情要好，而且經常出雙入對，忽然有一天竟從對方日記得知，對方暗戀自己多時，還寫下愛的宣言，令他非常感動：「佢係日記裡面寫咗要同我生好多好多BB，咁我先知道佢鍾意我。其實我想講我都好鍾意佢，只不過當時我知自己要去美國讀書，所以冇一齊到。之後佢等咗我兩年，始終佢等唔到，到我返嚟嘅時候，佢已準備結婚。當日婚禮完咗之後，我都寫咗首歌《為你祝願》用嚟祝福佢。因為當時係婚禮上有太多我同佢嘅畫面同感受，所以就寫咗呢首歌俾佢。」
黃建東透露讀書時有好多女埋身。（陳順禎攝）