說到近來最熱門的減肥方法，相信Tabata一定會佔一席位。Tabata是一種高強度的間歇式訓練，只用短短4分鐘的時間，但是公認為消脂最快、最有效的訓練之一。網上有多段Tabata教學的片段，連網絡紅人譚杏藍（Hana）亦都有參與其中，在半年前跟一位健身網絡紅人Paul Gor拍攝了一段Tabata的教學。該段片當中除了Hana，另外五位都是肌肉型猛男，可看得出出了名是愛運動的Hana在運動上一點都不輸蝕給男子漢。

不過有關片段近來又再被炒熱，比起半年前的留言，今次的留言更多是針對Hana的姿勢。一來可能Tabata的動作已經更為人知，二來Hana的人氣較早前更高，自然多點人將視點放在她身上。網友的留言主要集中說Hana做的動作姿態不正確，更因為這樣會十分容易做成受傷。除了動作，還有說Hana肌肉不夠強壯：「操下大腿肌肉，否則好易髕骨外翻，即係膝蓋外移。就咁睇條片都覺得佢將會受傷。」所以不應該跟隨男士的步伐。更有人指責她不應該出現在教學裡：「但如果你段片用來教人運動，下次要揾個女的來做就揾個做得標準點，唔好教壞人，做運動不是玩，動作做錯好容易受傷。」雖然負評留言居多，不過大家都出於善意，因為錯動作無論對Hana或觀眾都不好。未知半年過去了Hana有沒有再研究Tabata呢？

《香港01》記者就找來Hana解畫，她說：「我知呀，其實我唔係健身教練，姿勢梗係唔正確喇，隔離幾個先係真教練。只不過嗰日咁啱唔夠人數，因為要湊齊六個人組成一個圓圈，所以佢哋先叫埋我一齊玩。雖然我知我唔得，不過佢哋話唔緊要，運動最緊要開心啫。雖然姿勢正確都重要，但係開心都好重要，所以咪一齊玩。」她還表示自己只玩過2次Tabata，不過現在有保持健身的習慣，相信現在要她再做都有信心可以做到。因為當時姿勢不正確，主要是因為身體不夠力，不能夠支撐自己完成動作，但現在已經進步不少了。