黃金萬両｜薛家燕為拍劇訂製多功能內衣 麥美恩 :快乾又特別易除
撰文：吳子生
出版：更新：
薛家燕、麥美恩（Mayanne ）及曹永廉周五（27/1）現身黃埔出席新城電台團拜賀年活動。提到三位有份主演的無綫賀歲劇《黃金萬両》收視不俗，家燕姐表示：「其實真係好多謝一大班台前幕後嘅同事，大家都為咗呢套劇都付出咗好多，因為正值夏天最熱嘅時候拍，大家嘅底衫褲都拍到濕晒，搞到我都要特別買過啲底褲同胸圍。」
麥美恩、薛家燕及曹永廉今日出席新城團拜活動。（葉志明攝）
Mayanne又發揮搞笑本色接著說：「我見佢有特別訂製嘅，當中包括有快乾啦，又特別易除，可謂係多功能集於一身嘅內衣褲。」家燕姐笑說：「係呀！我啲與料係好快吸水，又方便除，始終都唔可以要啲男士等咁耐㗎嘛。」身邊曹永廉接著說：「嗱，我冇話過等得耐，基本上女士拍呢套戲都真係幾熱同辛苦，我哋男仔熱都仲話可以除衫，但女士唔得㗎嘛。我係想睇，但佢哋唔嘛，咁所以佢哋係辛苦啲。」
三位主演的賀歲劇《黃金萬両》收視不俗。（葉志明攝）