曾比特曬家姐靚樣笑言唔認得 無粗眉爆炸頭長直髮有文青女神FEEL
撰文：洪曉璇
出版：更新：
爆炸頭是Mike特色之一。（微博@MikE曾比特）
曾比特自參加《全民造星II》後一直保持的爆炸頭髮型亦成為ICON，他曾表示希望可以一家人齊以爆炸頭合照。近日他貼出家姐照片，未見爆炸頭，長直髮樣貌更相當標緻。
曾比特家中排第三，上有一個家姐一個哥哥。（IG：@mikeeeee___）
近2年上盡《聲生不息》、《披荊斬棘》等節目，曾比特在內地人氣急升，近月終返港與家人團聚，但竟鬧出爆笑笑話。他貼出與家姐同一角度拍攝的照片留言：
This is 家姐 有一日，我去買麥__勞（yes 我又食呀！） 有個女士喺我隔離叫我全名 我心諗：係咪有人認得我？ 我就同佢講：你好呀Hello 佢無啦啦問我：你認唔認得我係邊個？ 我又心諗：邊個？係咪真係我識？ 我就問咗出口：你係…？ 然後佢除低左口罩 原來佢係我家姐 跟住佢仲話：你連親家姐都認唔到 戴口罩點認呀大佬
被雷深如留言取笑：「你有幾耐冇見過你家姐😂😂 有冇10年？」曾比特笑稱：「佢個頭又唔似我頭咁出類拔萃。」照片中家姐未見曾比特招牌小新眉及爆炸頭，戴上草帽在繡球花圃前打卡，過肩長髮淡妝下五官標緻，相當有文青女神感覺，未知會否隨弟弟入行呢？
雷深如都笑問曾比特到底幾耐無見過家姐。（IG：@mikeeeee___）
+14