麗英新相忽然變靚　網民讚似混血兒搣甩「全死角美少女」稱號

鄧麗英一向自稱「全死角美少女」，與靚女一字沾不上邊，但從她的新相中，見到明顯變靚，雙眼比平時大，網民表示唔認得，更跟麗英說：「死角磨平晒！」

YouTube Channel小薯茄成員兼歌手鄧麗英，不介意在短片中做醜角，亦經常拿自己的外表開玩笑，稱自己「全死角美少女」，又出歌《矮妹正傳》自嘲身高不足150厘米。不過，她昨日（15/2）在社交平台分享一張新相，竟然靚到唔認得，麗英的鳳眼比平日大而有神。

她表示變靚可能因為近來克服了戴隱形眼鏡的恐懼，試戴Colour Con，「我呢啲小薯仔不嬲冇戴con+ 試過不停爆眼水就變咗驚Con人lol 可能最近隻眼大咗，隻眼突然Con-able（自創英文系列）所以出去做嘢影相嗰陣都戴多咗，睇落真係會型啲精神啲㗎wo（╹◡╹）有次心血來潮買咗幾隻色keke，希望之後影到多啲靚相唔洗炒咁多車啦！」

阿冰、林欣彤、曾樂彤等都留言讚她靚女，亦有網民表示麗英唔同咗樣，讚她是混血美女，又說她的死角已磨平，「全死角美少女」稱號似乎已不適用。