港姐張名雅唔靠老公自資6位數出新歌完歌手夢：我啲辛苦錢嚟
撰文：吳子生
出版：更新：
2012年港姐冠軍張名雅（Carat）今日（7/2）現身葵涌為首支單曲《我愉快嗎》MV進行拍攝。carat透露今次自資6位數字出新歌，全靠自己辛苦錢幫自己完夢：「其實我真係好鍾意唱歌，所以我就唔會諗住出一首歌就算，想之後會有其他作品同大家分享，咁所以都要計住數，希望可以再搵多啲，然之後再做好啲音樂。」
張名雅今日為新歌拍MV。（陳順禎攝）
Carat續說：「不過無論點都好，都想踏出第一步先。（唔參加《中年好聲音》？）哈哈，上年未夠歲數，差一年。不過嚟近之後如果有呢啲歌唱比賽，我都想去參加，因為都係一種挑戰嚟。同埋我老公都好支持我去做呢樣嘢，因為佢都好鍾意唱歌。（會否和老公出合唱歌曲？）唔會。最多沖涼嘅時候聽吓算，哈哈！（佢未到你嘅級數？）我覺得要專注咗係我自己先，首先要做好咗自己先。」
張名雅自資6位數出首支單曲《我愉快嗎》。（陳順禎攝）