莊鍶敏拿督父親出殯 楊明眼紅受訪：今年唔會結婚懷念UNCLE先
撰文：洪曉璇
出版：更新：
莊鍶敏（舊名：莊思敏）、莊思明及莊思華的馬來西亞拿督父親莊寶，上月28日於香港離世，享年83歲。莊家於世界殯儀館設靈，3月10日早上10時半舉行大殮儀式。
莊鍶敏（舊名：莊思敏）、莊思明及莊思華的馬來西亞拿督父親莊寶於世界殯儀館設靈，楊明都有到場打點。（葉志明攝）
莊思明男友楊明早早到場，雖然二人仍未結婚，但身為準女婿的楊明亦在腰間綁白布戴孝。大殮儀式後莊鍶敏、莊思明及楊明一同接受訪問，莊鍶敏表示：「香港呢邊後事已經完成，會飛返去兩三星期處理爸爸身後事，當然好唔捨得，但希望爸爸喺另一個地方都可以開心。」楊明亦表示會陪同回到大馬處理後事。
莊思明男友楊明一早到達靈堂。（葉志明攝）
受訪時兩姐妹心情已稍平復，楊明則聲音沙啞雙眼通紅，對拿督離世表現得非常不捨：「UNCLE之前係好開心嘅老人家，對人好好，好鍾意笑，無論面對咩問題都會正面面對。（臨終前有無咩說話交帶你？）我有同佢講唔使擔心我地，我會照顧佢地架啦。（婚事會唔會有影響）今年暫時唔會結婚住會推遲，習俗上都要，懷念咗UNCLE先，一路都有PLAN無話係幾時，因為成日出現D突發性嘅事，之後先再同大家講，大家有心了。」
莊思明男友楊明神情哀傷。（葉志明攝）
莊鍶敏（舊名：莊思敏）、莊思明及男友楊明接受訪問。（葉志明攝）