早霸王｜梁嘉琪開咪負評不斷　森美：同舊嘅拍檔表現有一段距離

森美今日（18/3）現身將軍澳電視城出席無綫（TVB）節目《LAW霸女神》錄影。近期森美新拍檔梁嘉琪加入商台節目《早霸王》開咪，但就被聽眾狠批表現「成舊飯」，連「魚雷」都要問一餐，再加上經常無故大笑，惹來不少負評。

森美就事件接受《香港01》訪問時表示：「其實我畀佢嘅表現分數未去到8，但有7點幾啦，咁當然同舊嘅拍檔表現有一段距離，原因好簡單，舊嘅拍檔都做咗好多年，加上出身又係電台，咁所以身份同作用唔同，再加上都會有磨合期。」

森美續說：「其實佢唔係一個蠢嘅人，因為佢本身係一個演員，演員通常係比較單純，尤其係愈好嘅演員。過往佢都係有稿讀，變咗而家係冇，佢每日都會好吃力，因為我要佢寫稿。講真開咪做節目唔係咁易，因為人數唔同，對答反應都會唔同，咁所以佢係需要嘅時間去適應同摸索嘅，我好相信之後會畀到新嘅嘢大家。