全民造星5‧專訪|王鋒無悔棄高薪參賽 KC被稱親生仔怕有隔閡
由《全民造星5》參賽者首次會見傳媒至節目開播,KC(黃家灝)興王鋒一直被視為大熱人選。連Taco都忍唔住要rap「我跳舞唔叻,唔似KC同王鋒做到節目做親生仔」,雖然明白是開玩笑,但KC坦言會擔心會惹其他參賽者誤會「我唔覺得自己喺起步點比較stand out,就一定係掂硬。」
KC因「WinWin男友」、「99號」而備受關注,不過他並未有太抗拒以上稱呼,認為觀眾可對他有一定的認知,繼而去了解他過往的作品。「我識好多做跳舞、音樂、服裝嘅朋友都遇到同一問題,就係冇人知佢做嘢好好、冇人肯去了解更多。我《造星》就係想利用自己嘅專業,引起大家興趣再去了解。」看到KC在節目中的表演,很難想像他曾抗拒幕前,原因是擔心面對鏡頭/觀眾時無法做自己,直到他發現自己的作品無法有力地傳播,決定不再故步自封。
王鋒從小喜歡唱歌跳舞,但在父母傳統思想影響下,有感一定要讀大學、搵份好工。直到近年開始問自己「咁落去係咪真係我想要嘅嘢呢?」放棄超高薪職位參加《造星》,父母未有強烈反對,但亦曾表示「你玩一、兩年好啦」。不過王鋒笑言已入坑,暫時無意重拾土木工程師一職。
訪問當日,仍未爆出「王峰、阿澤事件」,但對於阿澤在第一回合為免被比較,挺而走險表演自己並不算擅長的項目,王鋒認為如果自己較晚出場,亦有機會入復活區。「一來評判已經有審美疲勞,30幾小時都會攰。去到後後,明顯feel到係手緊。同埋本身我哋嘅嘢好似,評判又未必會好細分locking 。其實我同佢係一齊租排舞室,各自練再跳比對方睇。」王鋒認為比賽固然要有實力,但運氣亦不能缺。
王鋒與KC自覺是幸運的一群,但亦深明幸福並非必要,對於被Taco 唱係親生仔,KC表示事前已知道,但擔心會引起參賽者之間的誤會。「我喺比賽中會展現更多愛予兄弟,我feel到我而家呢個狀況,身邊人睇到會唔舒服、自己好渺小咁。大家都係普通人去參加呢個比賽,唔想自己企喺高位,我對佢哋有信心,將來會pop出嚟,而我呢刻喺起步點比較stand out,唔代表就一定係掂硬。」
《造星5》播出至今,仍未交代勝出者的去向會是如何,王鋒透露不少人有意組團,自己亦希望作不同的嘗試。而KC暫未有頭緒。「我自己只係想做自己鍾意嘅嘢,咩形式都唔太在意。有諗過同Win Win以Duo形式推出作品,因為國外都有呢個例子,況且同佢嘅戀情都好公開,如果真係咁做,我比較好奇大家會點睇。」