薛家燕港版《FLOWER》超越原唱 十字步完美融合開花舞似皇帝登基
撰文:金秀玲
出版:更新:
現年73歲的薛家燕(家燕姐)一向好玩得,又追得上潮流,前幾年扮完Captain Nancy,近日竟然扮韓團BLACKPINK的Jisoo,她將《FLOWER》改成中文版歌詞,配上獨有的十字步開花舞,聽落竟然完全變成另一隻歌,要令K-pop有《皆大歡喜》感覺,真係唔易㗎葉師傅!
家燕姐日前出席「家燕媽媽藝術中心暑期繽紛大匯演2023」,與一班學員跳早排大熱的《FLOWER》開花舞,但家燕姐非常有誠意,她將歌詞改成廣東話之餘,更將招牌十字步融入開花舞之中,絕對是超越原唱!
有網民嘗試默寫歌詞,極具中國風,副歌部分為:「若是無心栽種被遺忘 你要全心愛護去善待 若問用心栽種會如何 載滿了愛心 花會天天開~」
網民都大讚這個表演說:「唔該家燕媽媽Cover多啲K-pop 真係好正 好似啲皇帝大典登基喜慶曲目一樣」、「有冇人都腦補咗做hey ya hey ya hey?」、「以後新年我只想聽到呢首歌❤️🔥」、「有皆大歡喜嘅味道」。