候選佳麗陳曉彤（Cindy)，今日（26/8）現身將軍澳電視城出席《2023香港小姐競選》宣傳造勢活動。對於日前有報道指她是蒲精，而且刻意埋身髮型師混熟，藉此換來特別待遇。同時又指她是「金手指」向外爆料指莊子璇（Hilary）恃大熱向佳麗擺款。

Cindy接受《香港01》訪問時表示：「其實我都有睇到相關報道，話我係『金手指』，我覺得好冤枉。而我想講話我係蒲精，大家應該知道加拿大嗰邊係冇乜夜生活，加上我又要教琴，根本就冇時間去玩，更何況嚟到香港參選之後，更加冇時間，因為要不斷訓練，我連瞓覺嘅時間都唔夠，仲點樣去玩呢。不過無論點都好啦，我自己冇做過、就清者自清，反而我覺得身邊嘅人相信我就已經足夠。其他嘅嘢我就唔會再諗咁多。」