西貢水浸｜江若琳老公蕭唯展連日遇水浸 泥水浸過膊頭超誇張
撰文：金秀玲
出版：更新：
香港日前經歷完「世紀黑雨」，多區發生「500年一遇」水浸，以為已經冇事，但今日（11日）又落大雨，西貢區1小時內錄得超過100毫米雨量，西貢、將軍澳、觀塘等多處水浸，「觀塘」變「水塘」。
Oscar和江若琳家住西貢，天氣惡劣下，連屋企都返唔到。（IG@elannek930）
而江若琳及老公蕭唯展（Oscar）本身家住西貢，日前黑雨襲港，兩公婆已經要暫住酒店，被迫與三個月大的囝囝短暫分離，江若琳表示：「周圍水浸任何一條路都返唔到屋企，要暫住酒店的我們，好掛住仔。」
日前黑雨，蕭唯展和江若琳已經無法歸家，被迫住酒店。（IG@elannek930）
至今日，Oscar又再遇水浸！他張貼一張在西貢蠔涌的照片，位置是亞視蠔涌製片廠外，見水位極高，黃色泥水幾乎浸過一架車，一名男子被水浸過膊，場面十分誇張。而Oscar雖然冇影住自己，不過連番遇上水浸的他不禁說：「落完未？」
蕭唯展早前水浸無家可歸，今日又再遇水浸，無奈問：「落完未？」（IG@siupongoscar）