流行都市｜被鼎爺李家鼎喝罵 安德尊認有火：佢話乜就乜
撰文：鍾路淂
出版：更新：
近日鼎爺李家鼎空降《流行都市》全新環節「鼎爺家常菜」，伙拍大王安德尊教煮餸。兩位資深藝人平日甚少合作，一同框即傳出火藥味，指安德尊不停發問令鼎爺黑面更呼喝對方：「我未出聲，唔好問嘢住！」安德尊回應此事時話中有話。
《流行都市 》全新環節「鼎爺家常菜」有李家鼎與安德尊擦出火花！（截圖）
大王不停講嘢！（截圖）
在李家鼎面前安德尊都被嚇窒！（截圖）
網上傳得沸沸揚揚指與鼎爺不和，安德尊接受娛樂新聞台訪問時，表現輕鬆直指對方是前輩：「火呀緊係火啦，火熱呀嗎大家都，火爐有個火，佢煮嘢又夠熱。一樣會咁大聲，佢都咁大聲啦，我不嬲都咁大聲，鼎爺係我地前輩，佢有咩我就跟佢做，佢話乜就乜呢個好平常囉，鼎爺叫你拎豉油你攞唔攞？同鼎爺相識幾十年，我地就係咁溝通架啦，可能少見我地電視上一齊，因為佢做另一個世界，或者拍劇我地好少碰面，難得佢大駕光臨仲唔學下嘢呀啱唔啱呀？」
安德尊笑指同李家鼎合作絕對有火！（截圖）
安德尊提供同李家鼎嘅合照。（截圖）
安德尊攬實李家鼎合照。（截圖）