鄧兆尊大方曬與阿三「婚照」 被迫生仔：去家計會暗地裏剪咗佢
撰文：洪曉璇
出版：更新：
56歲鄧兆尊一向艷福無邊，因同時與3位女友交往享齊人之福，因而被網民封為「現代韋小寶」。近日他作客YOUTUBE節目「田豪祖3寶」時，大方曬出身後與阿三的疑似婚照，更揚言為避孕「暗地裡去家計會剪咗去。」
鄧兆尊被網民封為「現代韋小寶」。
鄧兆尊的3 位女友， Carmen（下排右三）、Cherry（上排左四）、Claire（上排左三）相處融洽，不過Claire位置已被陳小姐頂上。（微博圖片）
身邊有「正印」Carmen、「阿二」車厘子（Cherry）及「阿三」陳小姐，鄧兆尊可謂時間管理達人，曾表示：「她們相處融洽，個個都沒問題。」近年以阿三特別受寵，經常出雙入對，非常甜蜜，更曾傳出陳小姐被影到肚凸凸孕味甚濃，搞到大家估兆尊係咪為咗佢打破堅持唔生B嘅家規！
鄧兆尊最新女友陳小姐。（網絡圖片）
兆尊作客時主持發覺其身後有幅疑似婚照，他大方移開讓大家睇相，兆尊與阿三以全白裝扮拍攝，阿三頭上有花花頭飾，頭貼頭相當甜蜜。兆尊忽然自爆懷疑愛貓大肚：「而家Check緊，希望唔係，否則好大鑊。」曾志豪問：「你隻貓唔係比喻嚟架嘛？」兆尊笑言的確有逼造人壓力：「啲馬有時都會被逼入閘！你知唔知呀？（有咩避孕方法？）好易啫，自己去家計會暗地裏剪咗佢咪得囉，如果佢話有咗就恭喜晒，你點會有咗？！」直言生養姆百萬不是大問題，最難是教育。
近日鄧兆尊作客「田豪祖3寶」直播，被發現身後疑似婚照。（影片截圖）
鄧兆尊笑稱有被「撳住生」危機。（影片截圖）