關楚耀婚後首見傳媒 表明恨生小朋友：想要一仔一女
撰文：吳子生
出版：更新：
關楚耀（Kelvin）早前趁着520日子向拍拖6年的空姐女友Joann求婚成功。日前（30）他透過社交平台上載二人婚照，並宣布已經結婚成為夫婦，他開心表示：「Officially Mr & Mrs Kwan」，正式榮升關生關太。
關楚耀今日出席古董錶展活動。（梁碧玲攝）
Kelvin今日（4/12）現身中環出席古董錶展，接受《香港01》訪問時表示：「我覺得結咗婚之後，感覺人生圓滿咗，而且係踏入咗人生嘅一個階段。（想唔想生小朋友？）我同太太都好想要生小朋友，係因為呢近半年，我妹妹佢就生咗個小朋友，而我同太太基本上，每星期有兩至三日都去探佢同個B，我係鍾意到咁。講真初頭我對生小朋友冇話有太大嘅諗法，自從接觸咗個妹妹個B之後，令我產生好大想生B嘅念頭，咁所以我同太太都諗住，喺下年補擺完一個小婚禮之後，就準備造人，而我自己就想生一仔一女，生兩個就夠。」
關楚耀透露都有收藏古董錶習慣。（梁碧玲攝）