Tyson Yoshi 出席《叱咤頒獎典禮》巨胸成焦點：一戴一露
撰文：吳子生
出版：更新：
Tyson Yoshi日前出席《叱咤樂壇流行榜頒獎典禮2023》，大騷巨胸身材，艷壓全場成焦點。今日（4/12）Tyson Yoshi現身金鐘出席著名品牌活動時，受訪時講起當晚造型，原來有段故：「其實嗰晚我係好攰，造型師攞咗嗰件衫出嚟畀我，原本我係試都唔試，我以為佢喺度玩我，攞件女裝衫畀我着，但佢就話件衫係男裝，於是我就着上身睇吓，點知件衫係好窄，我係着唔到，我係要好似跳水咁，兩隻手伸直，由兩個人幫我將件衫拉落去，件衫係好緊，着完之後，大家都得啖笑㗎，但造型師就建議我不如再搭件西裝睇吓，點知出到嚟個效果又唔錯喎。」
Tyson Yosh續說：「其實去緊嘅時候，我係不斷咁走光嘅，變咗我而家係明白女性們嘅痛苦，我膊頭位置係黐晒膠紙，防止胸前走光，點知坐坐吓車，突然發覺胸前涼涼哋，原來走晒光露晒點，變成咗一戴一露嘅場面。」
Tyson Yoshi出席《叱咤頒獎典禮》巨胸成焦點。
Tyson Yoshi今日出席著名品牌活動。（吳子生攝）
同場有張敬軒。