朱千雪懷孕六個月拍片分享孕婦日常 漏口風爆BB性別
撰文:洪曉璇
出版:更新:
從幕前轉戰法律畀的女神朱千雪,今年元旦日宣布喜訊,與結婚4年多青梅竹馬的顧問醫生老公吳昆倫(Justin)造人成功﹗懷孕6個月的千雪新年拍片分享準媽咪要注意的事,疑意外曝光BB性別。
朱千雪結婚4年元旦日宣布造人成功:Blessed excited nervous
千雪拍片與網民分享懷孕日常:「懷孕期間雖然皮膚同身體嘅狀況都同平時好唔一樣,趁BB未出世前分享一下心情、近況,知道有BB嘅時候係好開心,預產期愈嚟愈近,開始要向身邊媽媽取經,聽啲媽媽講照顧好自己係好重要,要保持好心情,自己會整一啲Homemade smoothie,因為懷孕之後要戒晒汽水、咖啡、珍珠奶茶,呢啲都係我平時最鍾意飲嘅,所以係有啲唔慣,依家會自己整Homemade smoothie,好似藍苺、蘋果牛奶嚟飲。」
她又留言表示:「話咁快就已經同我肚裡面嘅小情人合二為一6個幾月喇,最近我都開始向身邊嘅朋友同媽媽們取經。」上月千雪出席活動時仍未有公布BB性別,是次以「小情人」稱呼腹中塊肉,令大家一致認為陀住龍仔﹗