新婚湯洛雯拋低馬國明出遊　與父母索妹妹合照勁風騷

去年尾與馬國明結束愛情長跑舉行婚禮，正式成為馬太的湯洛雯，婚後馬明火速開工賺錢，湯洛雯則安心做幸福少奶奶，近日更拋低老公與家人外遊﹗

靚湯與父母及胞妹感情一向相當好，昔日經常一家四口出動，婚後亦絕不例外。近日齊齊到日本旅行，曬出幸福合照留言：「前一排病咗，好返之後同屋企人去咗個快閃旅行，四年啦，終於一家人去旅行，證明我唔係潑出去嘅水啊。」為了婚禮努力減磅的靚湯，婚禮後兩三個月仍KEEP住面尖尖相當FIT，雖然老公不在身邊，但與父母及索爆妹妹Cassandre合照仍相當風騷。