素海霖都抽「Loong 9」水：我一出道都唔少人叫我「隆奶」
撰文：金秀玲
出版：更新：
近日《亞洲超星團》旗下的9人新男團出道，曾志偉宣布龍年組成的他們叫「Loong 9」，他在訪問中解釋團名「Loong 9」由來時表示：「佢哋話今年係龍年，所以用咗龍，國家就決定咗龍唔用dragon用loong，所以佢哋9個，用龍去象徵一飛沖天，所以叫龍九咁樣。」不過隊名卻因讀音在網上引起極大迴響，有人認為諧音似粗口，又有人表示根本唔識讀。不少藝人和專頁都加入戰團抽水，其中一位就是AV女優繪麗奈（素海霖）。
《亞洲超星團》的9人男團，取名「Loong 9」，引起不少迴響。（資料圖片/陳順禎攝）
曾志偉就解釋過Loong 9名字，因為團員有9人，而且又龍年出道，「用龍去象徵一飛沖天」。（資料圖片/陳順禎攝）
繪麗奈在社交平台說：「話説，我一出道嗰陣，唔少人叫我隆奶，估唔到而家有人拎咗來做組合名。」繪麗奈的幽默獲網民欣賞，有人留言讚她「靚抽」，笑說：「黃河嘅水都俾你抽乾🤣🤣🤣」更叫她擔任隊長。有人又說，若龍年出道就叫「龍奶」，明年蛇年出道是否要叫「蛇奶（射奶）」。
正式出道的Loong 9，發布全新一輯宣傳照。（微博圖片）
素海霖（繪麗奈）就抽水，指初出道時都很多人叫她「隆奶」，想不到現時會變了組合名。（IG@thisisshl）