KOL話財爺要開徵資產增值稅 香港大鑊! 但唔知財爺很快已澄清
撰文:湯文亮
出版:更新:
財爺在一次接受訪問時,受了記者引導,突然間話開徵資產增值稅亦是財政收入來源之一,嚇到股市立刻下跌千點,如果大家再睇返整篇訪問,財爺根本冇話要開徵資產增值稅,只不過記者誤解,在以訛傳訛之下,變成財爺話要開徵資產增值稅,雖然話虛驚一場,但已經令到不少揸住股票的人唔見很多錢,由此可見,官員在接受訪問時,千祈唔好話考慮中,因為記者會將考慮中變成事實,如果唔作出澄清,反而證明記者的報道沒有錯。
財爺今次反應都算神速,立刻話香港未有條件開徵資產增值稅,至於開徵的條件是什麼,我真係估唔到,財爺亦沒有解釋,有人話今次財爺反應神速是因為外國投行話香港推行簡單稅制,不宜開徵資產增值稅。
我認為有可能,如果財爺唔澄清,到了下個月香港開金融高峰論壇,一定會被外國傳媒問到失魂,到時就算講香港不會開徵資產增值稅,都會被人覺得是欲蓋彌彰,講多錯多。至於有外國投行話香港不宜開徵資產增值稅其實是好事,如果外資唔打算來港投資,香港是否開徵資產增值稅,他們根本唔會理。
我又覺得奇怪,記者問財爺是否會開徵資產增值稅來解決財赤問題,點解唔問財爺會不會撤辣,甚至將買樓印花稅減半,來吸引更多人到香港居住以及置業,多了人買樓,地產商就會買地,亦才是解決財赤王道,加稅只會令更少人來港置業消費,隨時因加得減。
生意人明白這個道理,官員就未必,否則就不會出現大減價這種促銷辦法,不過老實說,唔係咁多政府夠膽用減稅來解決問題,因為一定會被基層市民質疑政府是幫助富貴人家。
【財經專欄】湯文亮|紀惠集團行政總裁
免責聲明︰以上內容僅代表作者的個人立場和觀點,不代表香港01的任何立場,香港01亦無法核實上述內容的真實性、準確性和原創性。
另外,以上純屬個人研究分享,並不代表任何第三方機構立場,亦非任何投資建議或勸誘。讀者務請運用個人獨立思考能力自行作出投資決定。
KOL話比特幣ETF可在美國上市將大升 但唔知上市被監管是惡夢開始KOL話的士行業有加價共識、市民捱貴車 KOL或不知已共識冚旗揀客KOL話聖誕港人離港旅遊、香港大鑊 但忘了耶穌話施比受更為有福KOL話股市跌一半、樓市跌兩成應再大跌 冇講美基金出貨冇揸港樓虛幣KOL質疑我比特幣出金做假 但KOL唔知愈流通、貨幣愈值錢KOL話你知全世界股市升、唯獨香港跌 但冇講港經濟優於很多地方移居英國諾丁漢KOL大讚生活環境遠勝香港 但冇講諾丁漢已經破產KOL話99%香港人不會回流、樓市一定大冧 但冇講有一半搵唔到工KOL話你知香港樓市大冧、很多人蝕錢賣樓 但冇講「蝕即是賺」KOL話畀你知有1.1萬宗負資產樓市必冧 但冇講那些負資產屬於何人KOL話你知新加坡乜都好過香港 但唔會話你知7人車香港多好多KOL話難借錢買樓樓價必跌 但冇話業主知借錢難、唔敢賣樓好難跌KOL話畀你知銀行call loan樓市必冧 但冇話畀你知原來是財務公司KOL話比你知美國對香港實施第4級旅遊警告 不會話比你知已經解除KOL唔會話你知 年紀大了很難租到靚樓|湯文亮