大埔女街坊登上「蟑螂小巴」　不停調位避曱甴　司機咁反應激嬲人

車廂空間狹窄，一旦衛生欠奉引來蛇蟲鼠蟻，乘客避無可避。有港女在網上表示，日前晚上乘搭大埔區內專線小巴，形容「成車坐去邊都係曱甴」，令她和另一名乘客不停調位，司機形容「曱甴唔咬人唔驚」，甚至拒絕清潔和向公司反映，故她提醒街坊小心，。網民紛紛指「試過被曱甴咬過，雖然唔夠力咬傷咬痛我，不過都覺得超級核突」、「呢啲唔咬人，但會爬上身，跟埋返屋企」。

樓主在facebook群組「大埔 TAI PO」表示，3月27日晚登上大埔區1輛專線小巴，車內竟有許多蟑螂，由於當時只有她和另一位乘客，所以不停調位避開曱甴，2人完全不敢殺死蟑螂。

小巴司機聲稱曱甴不會咬人，所以無須驚慌，甚至說小巴並非由他負責清潔，所以不會理會，其職責亦不包括向公司反映衛生問題，而且不擔心曱甴上身。樓主提醒「大家坐車就睇清楚啦」。

多名網民紛紛指出「爬上司機背脊就GG」、「佢又知唔咬人唔驚，睇嚟啲曱甴係佢養」、「交通工具禁止飲食係啱嘅」。

（facebook群組「大埔 TAI PO」）