端午節丨老爺三高要戒口 新抱特意送素糉反被罵 當面掉入垃圾桶

撰文:安祖娜
出版:更新:

【端午節/食糭/農曆五月初五/三高】端午節當然要食糭應節!不過坊間傳統的糭子大多含有較高的油、鹽、脂肪和糖份,未必人人可以放任進食。有人妻於討論區發文大呻,指老爺本來很愛吃糭,但近年有「三高」(高血壓、高血糖和高血脂)問題,醫生遂「勒令」他要戒口。樓主與丈夫商量過後,決定向老爺送上素糭,希望他食得健康。沒料老爺收到素糉後反應極大,不但大罵她不懂「做人新抱」,更即時將素糭丟掉,令她感到相當委屈。

有人妻在討論區發文大呻,指為了老爺健康着想特意送上素糭,沒料卻遭對方大罵。(《向西聞記》劇照)

下載「香港01」App ,即睇城中熱話

「如果佢冇健康問題,我需要做到咁?」該名人妻於香港討論區發文,稱老爺喜歡吃食高膽固醇食物,「愈肥愈中意,特別係五花腩,成日食」,更會於端午節吃很多糭應節。不過,近年老爺的健康響起警號,出現三高問題,飲食也要非常注意,「好多佢鍾意食嘅都唔食得,醫生都開到聲要戒口」。

為了老爺的健康着想,加上已知其他家人會送上傳統糭子,她與丈夫商量過後,決定送上較健康的素糭,讓老爺進食時不會有太大負擔,「其實我哋買嘅糭都有好多食材喺入面,又有栗子,豆呀,菇,好豐富㗎」。

老爺收到素糭後大發脾氣,更即時將素糭掉進垃圾桶,令樓主感到相當委屈。(《向西聞記》劇照)

沒想到老爺收到素糭後竟然大發脾氣,「佢話我『點做人新抱』,話我『唔識買嘢,食糭點可以冇五花腩同鹹蛋黃,呢啲仲叫糭咩?』」,之後更即時將素糭掉進垃圾桶。樓主直言當時「嬲到想喊」,又指為了老爺的健康,與丈夫找了數間商店比較,「自己食過好食先買畀佢,點知一番心意被人當垃圾!再講,佢就算唔想食都唔使扔咗佢呀嘛?啫係人哋送嘢畀你,你當住人哋面咁樣做好咩?」。

她續指,事後丈夫也坦言沒預計父親反應竟會這麼大,「之前有帶過佢去食素,明明佢都唔抗拒,男人心有時都好海底針」,又委屈大呻:「我決定以後咩都唔送,反正送咩都係錯,送好食嘅又對佢唔好,送健康嘅佢又發脾氣,唔送最好,我慳返啲錢!」

樓主指,事後丈夫也坦言沒預計父親反應竟會這麼大,只好大嘆「男人心有時都好海底針」。(《向西聞記》劇照)

網民看過帖文各有看法,不少人認為老爺反應過大,「真係好浪費,仲要係人哋心意嚟,呢個老爺真係唔識尊重人」、「今時今日你呢個新抱真係唔話得,咁孝順老爺。可惜你個老爺不識抬舉,唔領情不特止,仲要發脾氣,係我就買梳蕉畀佢算了」、「你好有心想佢好,佢唔拎情仲發脾氣都幾難頂!你做就做咗,日後少理佢為妙」。

亦有網民認為樓主可先與「夾定」,或以不同方法讓老爺減少進食傳統糭子的份量,「應該叫你老公出面送,佢發火就推比老公孭鑊,兩父子無隔夜仇」、「應該同時買傳統糭同素糭,等佢知道你知道佢鍾意食糉,但你亦都關心佢嘅健康」、「其實都可以照買傳統糉㗎,唔好俾佢一個人食晒咪得囉,同老爺講少吃多滋味嘛」。

端午節飲食|糉熱量高對身體負擔大?營養師傳授5招健康食法準則▼ ▼ ▼

▼5招健康吃糭子(點擊下圖看清👇👇👇)

+13
請在《香港01》手機App把「熱爆話題」加入自選,緊貼全球各地最hit話題!(01製圖)

同場加映:端午節|阿妹學包糉落2種食材變暗黑料理 家姐中伏:垃圾房味!

端午節|阿妹學包糉落2種食材變暗黑料理 家姐中伏:垃圾房味!
+19

端午節宜禁慾?細數8忌諱 行房易傷元氣、送整串糉子恐有災難 ▼ ▼ ▼

+24

👇👇👇按圖了解端午節開運催財的方法👇👇👇

+30
發表評論...