密集恐懼！貨車車身滿布黑點似彈孔　網民震驚：架車去完伊拉克？

這輛貨車到底經歷過什麼事？近日網上流傳一張照片，一輛於馬路行駛的貨車，白色車身滿布一點點黑色油漆漬，惹來網民猜測原因，「俾人打war games（野戰）？」、「中完漆彈咁喎」，甚至有網民誇張聯想到是子彈孔，「去完烏克蘭運彈藥？」、「伊拉克都無咁多，應該係烏克蘭返嚟」。

facebook專頁「HongKong CarCam」早前發布一張照片，並於帖文寫道「架車係咪去完伊拉克？」。從照片可見，一輛於香港馬路行駛的白色貨車車身滿布黑色油漆漬，部份更有油漆流下來的痕迹。

奇特的車身讓網民議論紛紛，有人指出「子彈貨車」、「嘩，真係戰績標榜」、「似去完蘇丹來」、「難得仲行得」、「看後密集恐懼症發作」。

有網民笑言，「流動貓抓板」、「有煎炸嘢，封密會淋晒」、「一定係送燒肉嘅，要keep住個皮脆」。有網民猜測，「可能運緊人蛇，啲窿要來唞氣」、「係咪噴油嚟架咋？有啲嘢流落嚟嘅」、「你哋剩係識笑，根本唔知車主噚晚經歷咗啲乜嘢恐怖事」。