胡鴻鈞聞何哲圖離巢感突然 唔排除再合作可能:一切要從長計議!

撰文:劉傳謙
出版:更新:

今日(18/2)無綫向員工發出通知,近日回巢的曾志偉職銜改為副總經理(綜藝、音樂製作及節目),並將接任星夢娛樂行政總裁,即日生效;而現任行政總裁何哲圖(Herman)則將於2月28日離任,日後將再組新公司,創作其他類型的音樂作品。

何哲圖將在今個月底離開星夢娛樂,並自組新公司作個人發展。(資料圖片)

TVB大執位│曾志偉負責音樂及綜藝 何哲圖月底離巢余詠珊被削權

何哲圖離巢自立門戶 對曾志偉接掌星夢有信心:好高興有前輩接手

今年在《勁歌金曲頒獎典禮》首奪「最受歡迎男歌星」的胡鴻鈞(Hubert),自出道以來一直為星夢效力,他接受《香港01》訪問時坦言事出突然,自己剛剛才得知相關消息,需要時間消化。他祝福Herman日後工作順利:「我好戥佢開心,因為知道佢離開之後都會成立新公司,見到佢嚟到呢個時刻都仲係對音樂好有熱誠,所以無論佢之後去到邊,我都會祝福佢。」

Hubert直言不排除與Herman再續前緣。(資料圖片)

面對公司高層變動,Hubert直言:「我唔會諗太多呢方面嘅事,知道自己嘅本分係做好眼前嘅工作,相信公司有最好嘅安排。」被問到Herman新公司成立後,會否選擇跟隨舊老闆,他坦言轉會將是其中一個選項:「我唔會排除任何可能性,之後可能會合作,但係一切都要從長計議,加上呢件事真係好突然,我諗都要多啲時間去諗。」記者就此事亦曾向「星夢一姐」HANA菊梓喬查詢,但至今未有回覆。

+8