張敬軒做馮允謙尾場嘉賓 送14年前首場紅館騷名貴腕錶做禮物

撰文:邱愛霖
出版:更新:

歌手馮允謙(Jay Fung)九展Star Hall《Have a JAY Time 2022 演唱會》今晚(5日)來到尾場。On仔(陳健安)、JW(王灝兒)、許廷鏗均有捧場。除了連續四晚嘉賓都是Asha(徐㴓喬)外,今晚張敬軒亦驚喜亮相,兩人合唱《愛斯基摩人之吻》,期間張敬軒飆高音時更引來全場尖叫。

Jay Fung尾場嘉賓是張敬軒。(梁碧玲 攝)

唱完後張敬軒與Jay Fung在台上聊天。兩人已相識逾10年,Jay Fung亦有參與張敬軒歌《Do What You Want》的製作,他又感謝Jay Fung願意做其紅館演唱會嘉賓,張敬軒說:「好開心我嘅騷升上嚟嘅第一Part有你把聲。」

Jay Fung尾場嘉賓是張敬軒。(梁碧玲 攝)

隨後來到送禮環節,張敬軒送了於2008年完成第一場紅館騷後,送給自己的第一份名貴禮物IWC腕錶給Jay Fung。張敬軒說:「諗咗好耐,上個禮拜諗到一件禮物,今日特登早起,因為我都收埋好耐,喺夾萬將呢件禮物攞返出嚟。喺當年,呢件禮物係我人生當中,第一件送畀自己最珍貴嘅禮物,因為佢對我好有意義。」

張敬軒告訴Jay Fung:「你唔好介意係二手,我知道佢係斷咗嘅款嚟。呢隻錶陪伴我開咗好多場演唱會,我綵排都會戴住佢,因為喺好長一段時間,佢都係我人生最貴嘅一隻手錶。」張敬軒勉勵Jay Fung把握機會,約定對方紅館見,令Jay Fung大為感動。張敬軒親手將腕錶戴到Jay Fung手上,並說:「我幫你上咗鏈,已經較好個時間,係今日嘅日子嚟嘅。」

張敬軒。(梁碧玲 攝)

收下重禮後,Jay Fung即口窒窒說回贈的禮物沒有那麼貴重,是一個迷你教堂鈴鐘。張敬軒收下後開玩笑說:「而家我冇啷啷咩!(Jay Fung:聽住佢好舒服。)你好舒服呀嘛,我通常揸住呢啲嘢喺手就好唔舒服㗎啦!」

互相送完禮物後,張敬軒獨唱《追風箏的孩子》,他解釋指「追風」與「Jay Fung」讀音相似,才選擇此歌。說畢後他笑道:「講完我自己都打冷震呀!」

Jay Fung演唱會今晚來到尾聲。(梁碧玲 攝)

點擊睇馮允謙Jay Fung尾場靚相:

+10
你可能感興趣