馮允謙Jay Fung嬲未婚妻唔捧場:下次上紅館佢唔嚟我嬲死佢

撰文:邱愛霖
出版:更新:

歌手馮允謙(Jay Fung)一連四場九展Star Hall演唱會昨晚(5日)圓滿結束。Jay Fung足足安歌了5次觀眾才捨得離去,而張敬軒、On仔(陳建安)等人亦在安歌環節即興與台上的Jay Fung打卡合照。戒口多時的Jay Fung受訪表示完騷後首要是食漢堡包。

Jay Fung一連四場演唱會昨晚(5日)落幕。(梁碧玲 攝)

今晚觀眾頻頻叫Jay Fung除衫騷肌,Jay Fung害羞笑指公司不想他行性感路線,但有機會上紅館會再操Fit啲,或會滿足粉絲騷肌心願。Jay Fung感謝AK(江𤒹生)、AGA(江海迦)、Jace(陳凱詠)百忙之中抽空擔任嘉賓;他又透露張敬軒答應做嘉賓,大感驚喜,他說:「因為喺我演唱會我送咗兩張飛畀佢啦,我想佢嚟睇,但係佢竟然話肯做我嘉賓。所以真係要多謝佢,佢真係好好,唔知點報答佢。」

張敬軒親自幫Jay Fung影相。(梁碧玲 攝)

張敬軒送了14年前第一場紅館騷後買的名貴腕錶給Jay Fung,意義重大,Jay Fung收下後仍感震驚,他說:「我仲問咗經理人,我可唔可以收㗎?我一定會收藏、Keep喺安全地方,我諗我唔會戴㗎啦!唔想整壞、跌爛。(收喺夾萬?)一定會。(紅館會戴?)有日搵到到機會會戴。」

張敬軒逗留到安歌環節。(梁碧玲 攝)

Jay Fung指他上次送了親手畫的手繪個唱門票給張敬軒,今次決定用真金白銀買迷你教堂鈴鐘送給張敬軒,怎料卻收如此重禮,Jay Fung心懷歉意,他笑說:「我有啲想講聲『Sorry皇上』。」

Jay Fung話會將張敬軒送的腕錶擺入夾萬。(梁碧玲 攝)

四晚演唱會均有家人到場,而未婚妻卻未有捧場,Jay Fung坦率指有嬲對方,他笑言:「我唔想講佢呀!因為佢嚟唔到好可惜啦,但我有媽咪爹哋,媽咪爹哋好好,佢都好嘅,但睇吓下次上紅館,如果佢唔嚟,我會嬲死佢。(今次有冇嬲呀?)梗係有啦,邊個唔會嬲呀,唔好講佢啦。」

Jay Fung話有嬲未婚妻。(梁碧玲 攝)
完場大合照。(梁碧玲 攝)

點擊睇馮允謙Jay Fung尾場靚相:

+10