歌手林家謙（Terence）、本地劍擊運動員江旻憓、文術指導文念中今日（16日）於中環置地廣場出席活動，為行李箱品牌代言。家謙透露今最想去日本北海道旅行，去旅行會躺平不寫歌。

港台《十大中文金曲頒獎音樂會》近日公布入圍名單，橫掃各大頒獎禮獎項的家謙竟然連提名都無份，家謙不失望：「Ok喎！因為預計之內㗎嘛，佢（高層）話冇上三甲就冇提名，呢個係人哋規則嚟㗎嘛，咁呢個我都知。」問下年會否想入圍，家謙認為有當然開心，「冇都冇辦法，都係尊重返個台嘅取向囉。」

74歲歌神許冠傑（Sam）點名稱讚家謙，家謙指：「好欣賞、甚至尊敬崇拜，佢嘅歌而家聽返都唔會Out囉，寫咗啲咁正嘅嘢，如果喺呢個年代會幾有型。」談到好友Tyson Yoshi（程浚彥）健身室新開張，家謙不想操大隻，「可能係少少線條，鋼條型、瘦瘦哋嗰啲。」