素海霖學做DJ表演捽碟 專誠學藝半年︰唔想根本唔識扮嘢呃人
撰文:許育民
出版:更新:
香港首位日本AV女優素海霖(繪麗奈),自入行後名氣大增,不乏機會,除去年以歌手身份出席《未來音樂祭》,嚟緊又有新搞作。今次是化身DJ表演捽碟。而為今次表演,素海霖更專誠拜師學藝半年,希望以真功夫示人。
入行後已有人誠邀去「扮嘢」
素海霖近年工作一個接一個,繼將會3月遠赴日本開拍全新電影《一路向西2東京AV攻略》,嚟緊2月22日都有參與一個DJ Show表演,當日仲會係慶生Party,粉絲們一定要到。問到素海霖點解會有呢次做DJ的機會,原來自她出道以來,都已經有人找她去表演。「曾經都有人邀請我去打,酬勞是吸引的,但我都推咗,因為我根本唔識,雖然對方話扮下嘢就可以,但我唔想呃人。」
有見自己有市場,所以事隔幾個月後,便的起心肝,經朋友介紹下跟老師學︰「我認為可以試下走呢條路,冇壞的。」最後便跟了DJ Samir學師,不經不覺都學了大半年,技術方面素海霖都坦言未夠專業,但自覺對這頗有興趣。「平時練職,最緊要係準確地MIX出成首歌,加Effect搞下花臣,至於實戰如何就未答到你住。」
要為自己定下目標
作為新人,對於打碟這表演又有何心得可以同大家分享?「其實我都未學有所成,所以畀唔到太多心得大家,但我應該學習一定要定下目標 ,並設下時限,如果唔係感覺有點漫無目的。而且不要怕失敗,不要怕錯,無人一嚟就好勁。」素海霖本身都鍾意聽EDM音樂,又喜歡DJ Soda。「我比較膚淺,都係因為覺得佢靚同有個人風格,嘻嘻……」
至於今次的表演,又有冇少少內容可以同大家透露呢?素海霖︰「今次主要會打英文歌,但同時準備緊N9的《二泊三日》Remix,但未完成,驚趕唔切今次表演。」
+2