乙明邨球場設流動採樣亭　再檢測明恩樓居民怒斥政府浪費人力物力

政府執行強制檢測公告，由今（24日）早6時起，出入沙田明恩樓的居民必須出示新冠肺炎檢測結果。部分居民未收到深喉唾液檢測結果，被要求到球場設立的流動採樣亭再檢測，需要請假停工。
上午10時許，約70名居民排隊檢測。有未收到檢測結果的居民不滿再檢測，與現場工作人員理論：「咁我收唔到SMS，你出入問我攞SMS，咁即係點呀？你都要話清楚我聽，我排定唔排依一刻，如果我今日唔排，我有冇犯法先？嗱我交咗樽俾你，你點證明我有冇交？陣間你收唔到個樽，又話我無做到，又要拉我喎，咁我可以點呀？」

未收到深喉唾液檢測結果的吳氏夫婦，本來早上6時30分出門上班，被要求再做檢測，上午9時許到球場設立的流動採樣亭等候。吳太表示前數日未收到結果如常上班，今卻受阻，「返工佢又唔俾你出門口啦，即刻打電話俾阿頭搵人替我。」幸好僱主諒解稱「唔好講呢啲嘢，最緊要大家安全。」

記者現場了解排隊居民主要有兩類，一類是完全沒有做過檢測，需要強制檢驗；另一類則未收到深喉唾液檢測結果的居民，即使提供身份證資料仍被要求到球場再驗。第一類居民完成強制檢測後需由工作人員帶領上樓，不得外出；第二類居民到球場檢測後可自行離開。

未收檢測結果SMS　被要求出入出示SMS　明恩樓居民無所適從

一個星期前提交深喉唾液樣本的黎女士，今日以防萬一到球場再做檢測。她不滿訊息混亂，與職員理論：「咁我收唔到SMS，你出入問我攞SMS，咁即係點呀？你都要話清楚我聽，我排定唔排依一刻，如果我今日唔排，我有冇犯法先？我交咗樽俾你，你點證明我有冇交？陣間你收唔到個樽，又話我無做到，又要拉我喎，咁我可以點呀？」

「我真係思覺失調啦對個政府完全，究竟我要收到SMS，定收唔到SMS呢？」她指之前獲得的資訊是收不到SMS代表結果呈陰性，是好事，如今出入卻要出示SMS，令她感到無所適從。「今日咁多人嚟到，係再有疫症定擴散咗？又無講到。咁多人嚟做場大龍鳳，搞到成棟樓好似有問題，我哋去到街市話俾人聽我哋住喺明恩樓，咁人哋會點睇呀？你一係清楚啲交代一件事，而唔係做場show話俾我哋聽我哋大廈有問題。嘥咁多人力物力，係咪即係嘥銀紙呀香港政府？」

政府公告：未能出示檢測結果證明，屬違反強制檢測公告

政府於今（24日 ）清晨5時55分發公告指，由早上6時起，出入沙田明恩樓的居民必須出示根據政府早前發出的強制檢測公告，在2020年12月17日至21日期間，曾參與政府安排的2019冠狀病毒病檢測的檢測結果電話短訊通知或相關證明。

政府亦會派員聯同房協的工作人員到訪明恩樓每個住戶，查驗所有住客是否已經進行檢測。如任何人士未能出示檢測結果電話短訊通知或相關證明，即屬違反強制檢測公告，可處定額罰款5,000元，並會收到強制檢測令，要求該人士於指明期間內接受檢測。不遵從強制檢測令即屬犯罪，並可處罰款25,000元及監禁六個月。

政府要求出示12月17日至21日期間檢測結果，12月14日到私家醫院驗出陰性結果的陳小姐不獲受理，需要到球場強制檢測，因而需要請假。

本身住大圍中四生陳先生從未做過檢測，昨（23日）晚到乙明邨祖母寓所留宿，被要求強制檢驗，否則不得離開明恩樓。他指未有檢測結果亦不可離開，幸暫時對生活無影響，因為主要上網課。

早上突擊執法情況：