【溫多娜手記】對抗「口罩肌」　譚仔三哥推限定「花膠雞美線」

夏日熱辣辣，呢排戴住口罩，焗到塊面出油又出汗，搞到溫多娜都出多咗痘痘。譚仔三哥米線近日就響Facebook發帖，搵嚟三哥姐姐親授對抗「口罩肌」外敷內服對策，外敷就係用10小辣V臉面膜，內服就係用新出品既全新美食。

睇真啲，呢個係譚仔三哥新產品「花膠雞美線」嘅預告！原來譚仔三哥由今日起推出為期2周嘅「花膠雞美線」，售價係52蚊。

譚仔三哥發言人就話，新產品係用雞湯及花膠熬製，花膠含有豐富骨膠原，有養顏潤膚、滋補功效，適合一眾貪靚嘅米線一族，不過，公司暫未打算推出面膜。