國泰搵Lam Siu Por接任CEO 一不留神或誤會係前「第一先生」？
撰文：溫多娜
出版：更新：
國泰航空（0293）今日（9日）宣佈，鄧健榮即將退休，辭任公司常務董事兼行政總裁，並由現年50歲的常務董事兼顧客及商務總裁林紹波接替，於出年1月1日出任公司行政總裁，林紹波亦將繼續擔任香港快運主席。
咁大間航空公司管理層「換馬」，溫多娜當然要查一查林紹波嘅資料，第一眼就見到，原來林紹波（ Lam Siu Por ）個英文譯名，同前特首林鄭月娥老公、前「第一先生」林兆波（ Lam Siu Por ）係同一個譯名，如果只係睇英文版公告，一個唔小心可以會有誤會！